Холливудын хамгийн сайхан залуусын нэг Орландо Блум сүүлийн хэдэн сар гэрээсээ хол, Өмнөд Африкт киноны зураг авахуулж, гэргий, хүүхдээсээ тусдаа байгаа нь загвар өмсөгч эхнэрээсээ салах нь гэсэн цуу яриа гарахад хүргээд байгаа. О.Блумыг Өмнөд Африкийн Зулуд зураг авалттай байх хооронд түүний эхнэр, Виктория Секретийн загвар өмсөгч Миранда Керр Нью-Йоркт хүү Флинтэйгээ хамт байгаа юм. Тэрээр нөхрөө эргэж очихоор Өмнөд Африк руу явахын оронд оддын шоу үдэшлэгт ганц хоёр удаа Леонардо ди Каприотой хамт харагдсан хэмээн шар хэвлэлүүд мэдээлж, үүн дээрээ үндэслэн түүнийг Орландо Блумээс салах гэж байгаа хэмээн таамаглаж буй юм. Гэвч энэ бүх яриа ор үндэсгүй зүйл хэмээн Орландо Блумын ээж Сониа хэвлэлд мэдээлжээ. Тэрээр хүүгийнх нь гэр бүл аз жаргалтай, сайхан байгаа, тэд зул сараар хамтдаа байх болно хэмээн ярьжээ.
35 настай Британийн жүжигчин Орландо Блум 27 настай Австралийн модель Миранда Керртэй 2010 онд гэрлэсэн билээ.  




Орландо Блумын гэр бүлтэй хамт