Америкийн телевизий од Ким Кардашьяныг францын нийслэл Парист ирээд байхад нь өнгөрсөн оны аравдугаар сарын 3-ны шөнө зочид буудалд нь үл мэдэгдэх таван хүн дайран орж түүнийг зэвсгээр айлган сүрдүүлж, ариун цэврийн өрөөнд түгжээд үнэт эдлэлийг нь дээрэмдсэн хэрэг гарсан. Францын цагдаагийнхан энэ хэргийг мөрдөн шалгаад 15 хүнийг сэжиглэн барьж саатуулсан байна.
Дээрэмчид Кардашьяны хоёр гар утас, нийтдээ 10 сая еврогийн үнэ бүхий гоёл чимэглэлийн зүйлсийг нь дээрэмдэн авч явсан гэж өмнө нь мэдээлсэн юм.