БНХАУ-ын Өвөр Монголын өөртөө засах орны нутаг Их Хянганы нуруунд гарсан түймрийг унтраахаар 9000 гаруй гал сөнөөгч ажиллаж байна хэмээн орос хятадын “Партнеры” сэтгүүл мэдээллээ.

Тавдугаар сарын 2-нд Билах ойн аж ахуйн эдлэнгээс эхэлсэн түймэр одоо бараг 10 мянган га талбайг хамраад байгаа юм байна.

Энэ орчимд ширүүн салхитай, дээр нь салхины чиглэл байнга өөрчлөгдөж, агаар хэт халуун байгаа нь түймэр унтраах ажилд ихээхэн бэрхшээл учруулж байна. Асгарсан шатахуунаа шатаах гэж байсан нь ийм эмгэнэлт явдалд хүргэсэн юм байна. Хууль сахиулагчид буруутай этгээдийг саатуулаад мөрдөн шалгаж эхэлсэн байна.