Улаанбаатар хотод ирэх гадаадын жуулчдын тоог нэмэгдүүлэх, тусгай сонирхлын аялал жуулчлалыг хөгжүүлэх, нийтийн биеийн тамир спортыг ард иргэдэд сурталчлах  зорилготой “Тал нутгийн марафон-2013” гүйлтийн тэмцээн энэ сарын 21-ний ням гаригт Налайх дүүргийн Цонжин Болдог Мандал жуулчны баазад болох гэж байна. 17 дахь жилдээ зохион байгуулагдаж буй энэхүү тэмцээнд марафон гүйлтээр хичээллэдэг гадаад, дотоодын тамирчдаас эхлээд жирийн иргэд оролцоно.
Тэмцээнийг нийслэлийн Аялал жуулчлалын газар, нийслэлийн Биеийн тамир спортын газар, Налайх дүүргийн Засаг даргын Тамгын газар, Япон улсын Элчин сайдын яам, Монголын марафон гүйлтийн холбооноос хамтран зохион байгуулж байгаа аж. Тэмцээнд оролцох иргэдийг энэ сарын 20-ны дотор Спортын төв ордны 25 тоотод бүртгэх юм байна. “Тал нутгийн марафон-2013” гүйлтийн тэмцээн нь дараах ангиллаар зохион байгуулагдана.
Үүнд:  •  15 нас хүртэлх охид, хөвгүүд:  1500м
            •  50-60 хүртэлх  нас эм, эр: 5000м
            •  50 хүртэлх эм, эр 5000м
            •  60 наснаас дээш  эм, эр: 3000м
            •  Насанд хүрэгчид эм, эр: 10 км
            •  Хагас марафон гүйлт эм, эр: 21 км байна.