АНУ-ын 64 настай усанд сэлэгч Дайана Найад түүхэнд анх удаа ямар ч хамгаалалтгүйгээр Флоридын буланг нэвт сэлж Кубаас америкийн эрэг хүрсэн байна. Тэрээр Ки-Уэст арлын наран шарлагын газарт барианд ороход энд олон мянган хүн цугларч угтсан байна. Найад хөл дээрээ зогсч чадахгүй болтлоо ядарсан байсан ч тэдэнд хандан “Бид хэзээ ч,  хэзээ ч бууж өгөх ёсгүй. Өөрийнхөө мөрөөдлигй биелүүлэхэд нас садаа болж чадахгүй. Энэ амжилт бол ганц хүний биш, бүтэн багийн үйл хэрэг” гэжээ.
Дайана Найад энэ 166 км газрыг 53 цагийн хугацаанд туулсан нь цагт дунджаар 3 км газар туулсан байна. Найад өнгөрсөн бямба гарагт кубын нийслэл Гаванагаас гарсан юм. Хамгийн гол нь тэр  энэ замыг аварга загаснаас хамгаалах торгүйгээр туулсан байна.
Энэ тамирчин 1978 онд задгай усанд сэлэх дээд амжилт тогтоож байсан юм.
2012 онд австралийн тамирчин Пэнни Пэлфи мөн л Флоридын буланг туулан сэлэх гэсэн ч замынхаа дөрөвний гурвыг туулаад байхдаа бие нь эвгүйрхэж сэлэхээ больсон юм. Жилийн дараа австралийн бас нэг сэлэгч Хлое Маккардел бас л оролдсон ч усанд 11 цаг сэлснийхээ дараа олон газраа түлэгдсэний улмаас тусламжийн хөлөг дээр гарсан байна.
Куба америкийн хоорондох замыг  1997 онд анх австралийн сэлэгч Сьюзи Марони туулсан ч тэр аварга загаснаас хамгаалах тор ашигласан юм.