Латвийн Ерөнхий сайд Валдис Домбровкис өөрийнх нь тэргүүлсэн Засгийн газар бүрэлдхүүнээрээ огцорч байгааг зарлажээ. Тэрээр улсынхаа Ерөнхийлөгчтэй долоо хоног бүр уулздаг ээлжит уулзалтынхаа дараа сэтгүүлчдэд ингэж мэдээлжээ. Саяхан нийслэл Ригад худалдааны төвийн барилга нурж, 54 хүн амь насаа алдсантай холбогдуулан огцрох болсноо Ерөнхий сайд мэдэгдээд энэ улсад хариуцлагатай, бий болсон нөхцөл байдлыг шийдэх чадвартай Засгийн газар хэрэгтэй гэжээ. Худалдааны төвийн дээвэр дээр амралтын талбай байгуулахаар барилгын ажил явуулж байхад гэнэт нурсан эмгэнэлтэй явдал болсон билээ.