Хойд Солонгосын шинэ удирдагч Ким Чен Ун нь засгийн эрхийг гартаа авсан цагаас хойш 200 сая ам.долларыг өвөө болон эцгийнхээ дурсгалыг хүндэтгэх, тэдний үйлдэл, үг яриаг сурталчлахад 200 сая ам.доллар зарцуулсан тухай Өмнөд Солонгосын “Донга ильбо” сонин мэдээлж байна. Ким Чен Ун нь хэдхэн жилийн дотор өвөө Ким Ир Сен, аав Ким Чен Ирийн нэр, царай бүхий 3200 гэрэлт хөшөө, 400 ширхэг нүсэр том эвлүүлгэн зураг, аварга том уран баримал хийлгэжээ. Үүний дээр эцэг, өвөөгийнхөө нэрээр нэрлэсэн 40 гаруй том объект барьж ашиглалтад оруулжээ.

Гэтэл 2011 оноос хойш Хойд Солонгосын экспорт буурч байгаа тухай мэргэжилтнүүд ярьж байна. Жишээлэхэд, 2011 онд энэ улс түүхий эдийн экспортоос 1,46 тэрбум ам.долларын орлого олдог байсан бол 2012 онд 1,45 тэрбум ам.доллар болж буураад, энэ оны эхний есөн сарын байдлаар экспортоосоо 1,25 тэрбум ам.доллар олжээ.