Дэлхийн хоёрдугаар дайны үед Итали, Умард Африкт фашист Германы эсрэг байлдаж явсан ахмад дайчин 92 настай Тони Болл ганц шил архи авахаар дэлгүүрт ортол мөнгө хураагч бүсгүй түүнийг 18 насанд хүрсэн юм уу, паспортоо үзүүл гэжээ. Өвгөн “Тоглож байна уу, охин минь. Миний том ач 19, бага нь 16 нас хүрч байгаа” гэсэн ч бүсгүй өөдөөс нь “Хэрэв та 18 нас хүрээгүй бол танд архи худалдахгүй. Эсвэл баримт бичгээ үзүүл” гэсэн байна. Ахмад дайчинд паспорт нь байгаагүй болохоор “Танай дэлгүүрийн эзэд хэнд юу худалдахаа уг нь мэддэг л байлтай” гээд гарч явжээ. Тэгээд замын эсрэг талын дэлгүүрт ороод харин ч өмнөхөөс арай хямд үнээр хэрэгтэй бүтээгдэхүүнээ авсан байна.
“Би уг нь тоглоом ойлгоно. Харамсалтай нь энэ удаа тоглоом наргиа байгаагүй” гэж ахмад дайчин жаахан гунигтай өгүүлж байна. Харин супермаркетын захиргаа өвгөнөөс уучлал гуйгаад, хэдэн шил архи өгч, хэрэв дээрх алдааг өршөөвөл цаашид сайн түншүүд байхын төлөө хундага тулгая” гэжээ.
