Японы Фүкүшима мужийн хувийн ахлах сургуулийн сурагчид хэт цөөрсний улмаас ирэх жилийн гуравдугаар сард албан ёсоор үүдээ хаах гэж байна. Энэ нь 2011 онд болсон цөмийн ослын уршиг юм.

Минамисома хотын Шёоэй ахлах сургууль нь осол гарснаас хойш хаагдаж буй тус мужийн анхны сургууль гэнэ.
Тус сургууль нь Фүкүшимагийн цөмийн эрчим хүчний нэгдүгээр станцаас 30 км зайтай оршдог тул нүүлгэн шилжилт хийх шаардлагатай бүс нутагт багтсан байжээ. Ослын дараа сургуулийн нийт 100 сурагчийг өөр сургуулиудад хуваан сургасан байна. Үүнээс хойш тус сургууль үйл ажиллагаа явуулаагүй юм.
Сургуулийн албан ёсоор хаах хүсэлтийг тус мужийн захиргаа хүлээн зөвшөөрчээ.
Токиогийн цахилгаан эрчим хүчний компаниас нөхөн төлбөр нэхэмжлэхээ сургуулийн захиргаа мэдэгджээ.