Хятадын “Google” буюу хятад хэлээрх хамгийн том интернэт хайлтын сайт болох “Baidu”-г үүсгэн байгуулагч Робин Ли улсынхаа хамгийн баян хүн боллоо. Bloomberg-ийн мэдээлснээр тус компанийн хувьцаа сүүлийн үед мэдэгдэхүйц өсч, 12 тэрбум ам.долларт хүрснээр Робин Линий хөрөнгө өмнөө жагсч байсан тэргүүн баячуудыг давж гарчээ. Тэрээр Хятадын хамгийн баян хүн гэгдэж байсан Ван Жианлинаас 64 сая ам.доллараар ахиу хөрөнгөтэй хэмээн Bloomberg тооцжээ. Америкт мэдээллийн технологийн чиглэлээр суралцаж төгссөн Робин Ли интернэт хайлтын Байду сайтаа нээж, АНУ-аас зохиогчийн эрхээ авсан бөгөөд түүний компани Насдакийн хөрөнгийн биржид бүртгэлтэй Хятадын хамгийн анхны компани болсон юм.