Америк эмэгтэй өөрийнхөө түргэн хоолны газрыг “Fat Ho”  буюу “Бүдүүн янхан” гээд нэрлэчихсэн нь олны шүүмжлэл дагуулж байгаа ч Лакита Эванс гэгч тэрээр  хоолны газрынхаа энэ нэрийг хамгаалсаар байгаа гэнэ. “Би биеэ үнэлэгч ямар ч хүнийг дайруулж хэлээгүй. Энэ үг чинь өөр утгатай, ухаандаа сайхан бүсгүйг хэлж байж болно шүү дээ. Жишээ нь хүмүүс байна л “Аа яа яа ямар халуухан бүсгүй вэ” гэдэг биз дээ” хэмээн өөрийгөө зөвтгөж байна. Гэсэн ч үйлчлүүлэгчид, түүний өрсөлдөгчид үүнийг нь шүүмжилсээр байгаа гэнэ. Хариуд нь Эванс тэднийг шоглол ойлгодоггүй гэжээ.

Эдний хоолны газар ийм нэртэйгээр зогсохгүй энд бэлтгэдэг зарим зууш, хоол нь бас этгээд нэртэй гэнэ. Нэг бутерброд гэхэд л Sloppy Ho Brisket гэдэг нэртэй байгаа нь орчуулбал “Бохир янхны хөх” гэсэн утгатай гэнэ.

Хоол, зоогийн газрынхаа нэрийг этгээдээр өгснөөс болоод олон нийтийн зүгээс шүүмжлэл хүлээсэн нь америкт ганц энэ биш. Өнгөрсөн онд түргэн хоолны Heart Attack Grill зоогийн газар тарган хүмүүст үнэ төлбөргүй үйлчилнэ гэсэн сурталчилгаа явуулснаас болоод мөн бөөн шүүмжлэлд өртөж байжээ. Гэхдээ энэ зоогийн газраар гадаадын иргэд олноороо үйлчлүүлдэг болсон гэнэ.