Америкийн Чикаго  хотын эргүүлийн цагдаа шөнийн 02 цаг болж байхад хурд хэтрүүлэн дахиж явсан эмэгтэй жолоочийг саатуулан зогсоожээ. Гэтэл  58 настай Эрин Жеймс гэгч тэр эмэгтэйгээс архи үнэртээд байхаар нь  тестээр шалгаж үзэхэд согтуурлын хэмжээ нь хэвийнхээс хоёр дахин их байсан байна. Цагдаагийн газар очоод асуухад эмэгтэй 2012 онд согтууруулах ундаа хэрэглэсэн үедээ машин барьж яваад хураалгасан жолооны үнэмлэхээ эргүүлж авсан баяраа тэмдэглээд жаахан уусан гэж тайлбарласан гэнэ. Алмайрч хоцорсон цагдаа Том Вайтцель “Энэ эмэгтэй бол дахиад хэзээ ч жолооны ард суумааргүй хүн байна” гэсэн байна.