Америкийн иргэн Нью-Йоркийн өндөр настан Антон Пурисима хотынхоо эрх баригчид, хэд хэдэн компанийг өөрт нь хохирол учруулсан хэмээн мөнгөн төлбөр нэхсэн байна. Ганцхан түүний нэхэж байгаа мөнгө нь хүний санаанд оромгүй,  2-ын ард 36 тэгтэй буюу хоёр ундициллион доллар юм.
62 настай түүнийг хохироосон хүмүүс нь хотын дарга, Нью-Йоркийн тээврийг удирдах газар, хэд хэдэн дэлгүүр, хоёр эмнэлэг, бас нэг нохойн эзэн гэнэ.
Гомдлын жагсаалт ер нь нэлээд урт гэнэ. Энд хүний эрхийг зөрчсөн, амь насыг нь хөнөөхийг завдсан, золбин нохой хурууг нь хазсан, эмнэлэгт биеэ үзүүлж байхад нь хоёр хятад зурагчин зургийг нь зөвшөөрөлгүй авсан зэрэг өөрийнх нь эрхийг зөрчсөн зүй бус үйлдлүүд оржээ.
Энэ бүхнээс болж түүний хохирсон хохирол нь мөнгөөр илэрхийлэх аргагүй ч өөрөө математикч хүний хувьд дээрх хэмжээний мөнгөөр тооцоолж нэхэмжилж байгаа юм гэнэ. Тэр бас хохирол барагдуулах өргөдөлдөө нохойд хазуулсан хурууныхаа зургийг хавсаргажээ.
The New York Post сонинд бичсэнээр бол Антон Пурисимагийн нэхэмжилж байгаа ийм хэмжээний мөнгө манай гариг дээр байхгүй гэнэ. АНУ-ын дотоодын нийт бүтээгдхүүн 17 триллион доллар бол манай дэлхрийн нийт эдийн засаг 75 триллион доллараар хэмжигддэг байна.