Солонгосын жүжигчин хос Ким Бум, Мун Гён Ён нар зургаан сар үерхсэн харилцаагаа төгсгөл болгожээ. "Галын бурхад" кинонд хамт тоглож байхдаа хайр сэтгэлийн холбоотой болж, өнгөрсөн  оны сүүлчээр Европт хамт аялж байгаад паппарацын дуранд өртсөн хоёр жүжигчин нэг жил ч хүрэлгүй тус тусынхаа зам мөрийг хөөхөөр шийджээ. Тэднийг төлөөлдөг менежментийн агентлагууд жүжигчин хос салсан нь үнэн гэж мэдэгдсэн байна. Тэд одоо уран бүтээлийн ажилдаа эргэн орж, тус тусдаа шинэ киноныхоо зохиолтой танилцаж байгаа гэнэ.