Францын нийслэл Парисын Гревений музей дэх алдартай хүмүүсийн лааны тосон баримлын дунд байдаг ОХУ-ын ерөнхийлөгч В.Путины баримал руу эмэгтэйчүүдийн FEMEN хөдөлгөөний нэг гишүүн халджээ.

Бүсэлхийгээ хүртэл нүцгэлсэн тэр эмэгтэй Оросын ерөнхийлөгчийн баримал руу дайрч бугын эвэр шиг хурц үзүүртэй гадас цээжинд нь зоосон  байна. Үүгээрээ тэр эмэгтэй өнөөдөр Украинд болоод байгаа үйл явдалд ОХУ-ын ерөнхийлөгчиийг буруутгаж байгаагаа илэрхийлсэн гэнэ.

Путины баримлын дэргэд бусад улс орнуудын тэргүүн Дэвид Кэмерон, Барак Обам, Франсуа Олланд, Ангела Меркель болон  Синдзо Абэ нарын баримал байдаг нь нүцгэн эмэгтэй Путиныг хэрхэн “алж” байгааг “хараад зогсч байжээ”.

“Femen бүсгүй дарангуйлагч Путины цээжинд нь гадсаа зоолоо гэж тус ажиллагаанд оролцогсдын нэг хэлээд “Хэрэв кремль цус урсгахаа зогсоохгүй юм бол femen-чүүдийн гадас түүний сүлбэх  л болно” гэжээ.

Музейд болсон энэ акци “Путиныг ал. Украин чөлөөтэй байх ёстой” гэсэн уриагаар төгсчээ. Музейн удирдлагууд эмэгтэйчүүдийн энэ үйлдлийг хэрхсэн талаар мэдээлээгүй байна хэмээн grani.ru сайт мэдээллээ.