Японы Киодо хотын 30 настай иргэн Кенжи Окамото бал сараа тэмдэглэхээр америкийн Гонолулу хотыг зорин нисч явахдаа ууж согтууран онгоцны үйлчлэгчийг цохьсон учраас Хавайн шүүх түүнийг нэг сар баривчлахаар шийтгэсэн байна. Ийнхүү тэрээр хуримынхаа бал сарыг Хавайн шоронд өнгөрүүлэх болж байна. Сарын өмнө Хавай руу нисч явсан онгоцонд орохдоо л тэрээр согтуу байсан төдийгүй онгоцонд орсон хойноо ч үргэлжлүүлэн уусан учраас үйлчлэгч түүний гарт тавиуртай хоол өгөхөөс татгалзсанаар хамар хэрэг үүсчээ.

Тэрээр үйлчлэгчид уурлаж, түүнийг нь хориглох гэсэн өөр нэг үйлчлэгчийн нүүр лүү цохьсон байна. Шүүхийн баримт бичигт дурдсанаар бол япон эр энэ дөрөвдүгээр сарын 20-нд хуримласан эхнэртэйгээ хамт бал сараа тэмдэглэхээр яваа учраас үүнийгээ тэмдэглэж архи уусан, буруутай үйлдлийнхээ төлөө хүлцэл өчье хэмээн онгоцны багийнхны өмнө сөхрөн сууж толгойгоороо шал мөргөж байсан гэнэ. Гэхдээ л түүнийг нэг сар шоронд хорих ялаар шийтгэжээ.