Британийн Globe сайт нэгэн дуулиант мэдээлэл цацлаа. Эдний мэдээлж байгаагаар бол Британийн угсаа залгамжлах хан хүү Чарльз есөн жил ханилсан эхнэр Корнуолийн гүнж Камилла Паркер Боулзаас салж байгаа гэнэ. Хэвлэлийн бичсэнээр бол энэ салалт 200 сая фунт стерлингээр хэмжигдэж магадгүй байна. Энэ талаар хатан хаан Елизавета II Камиллатай ярьсан гээд дараагийн дугаартаа энэ тухай дэлгэрэнгүй бичнэ гэжээ.
Гүнж нөхрийгөө хаан ширээ залгамжлахыг хүлээж ядаад  салахаар шийдсэн бололтой. Хатан хаан ч түүнийг яахав хүссэнээрээ л бол гэхэд  харин Камилла хариуд нь гэр бүлийн бүхий л нууцыг хадгалахын тулд 200 сая фунт шаардсан гэсэн байна. Globe  хэвлэл ингэж дарамталсныг нь “гутамшиг” хэмээн нэрлэжээ.
66 настай Камилла Паркер-Боулз 2005 онд 65 настай Чарльзын хууль ёсны эхнэр болсон юм. Хурим болтлоо тэр хоёр 30 жилийн турш хайрын холбоотой байсан гэдэг. Тэр хоёрын халуун хайрын холбоо хан хүүг Диана Спенсертэй гэрлэхэд хаа очиж садаа болоогүй юм. Британичууд ч Чарльз, Камилла хоёрын холбооны тухай олон жил ярьж, эцэст нь энэ хоёр гэрлэсэн юм.