Энэтхэгийн эмч нар нэгэн эмэгтэйн хэвлийн хөндийд хагалгаа хийсний дараагаар дэлхийн түүхэн дэх хамгийн удаан үргэлжилсэн савны гадуурх жирэмслэлтийн тохиолдлыг илрүүлсэн гэж мэдэгдлээ.

Энэтхэгийн Мадхья-Прадеш мужид амьдардаг Жиоти Кумар гэгч эмэгтэй 1978 онд 24 настайдаа жирэмслэжээ. Хөл хүнд болсноо мэдээд эмч нар үзүүлэхэд жирэмслэлт нь савны гадуурх байгааг хэлээд ураг томорч эхэлсэн тул яаралтай авахуулах хэрэгтэй, хагалгаа хийлгэх ёстой гэж.

Харин Жиоти хагалгаа хийлгэнэ гэхээс маш их айдаг байсан тул том эмнэлгээс зугатаад жижигхэн хувийн эмнэлэгт хандсан байна. Тэнд нь юу хийснийг бүү мэд ямар ч байсан аргалаад явуулж. Үүнээс хойш хэвлийн тус газар нь хэсэг хугацаанд өвдөж байгаад намдахад бүсгүй асуудал нь аяндаа шийдэгдлээ гэж бодоод тайвширч, цаг хугацааны эрхээр бүр таг мартаж.

Гэтэл 38 жилийн дараа хэвлийгээр нь байнга хатгаж өвддөг болоход эмнэлэгт үзүүлэхэээр шийдэн Энэтхэгийн Нагпур хотын Анагаах ухааны төвийн дэргэдэх эмнэлэгт хандав. Төвийн эмч нар үзлэг хийгээд гэдэснийх нь баруун доод талд том булцуу байгааг илрүүлж. Эмч нар анхандаа булцууг хорт хавдар байж магадгүй гэж үзүүд нарийвчилсан шинжилгээ хийжээр болжээ.
Эхогоор харахад хавдар мөн болж таарав. Компьютер томографаар харахад хийхэд хавдар нь хатуу кальцижсан эдээс бүрдсэн болох нь илэрч. Үүний дараа Соронзон резонанст томографиар зүсэлт хийж  харахад өнөөө хатуу кальцижсан эд гэдэг нь хүүхдийн арга яс болохыг тогтоогоод ихэд гайхсан байна.

Ингээд хагалгаа хийж бараг 40 жил эхийнхээ хэвлийд хадгалагдсан хүүхдийн арга ясыг гарган авчээ. ийм тохиолдол тун ховор тул эмч нар урьд нь иймэрхүү зүйл болж байсан эсэхийг лавлахаар мэргэжлийн ном шүүж үзэв. Ингэтэл савны гадуурх жирэмслэлтийн үлдэглийг хэвлийдээ 18 жилийн турш тээсэн бельги эмэгтэй байсныг олж мэджээ.

Дээрхтэй адилаар бельги эмэгтэйн хавдрыг авах гэж хагалгаа хийсэн эмч нар кальцижсан уутанцар дотор битүүмжлэгдэн хадгалагдсан бүрэн бүрэлдсэн хүүхдийн арга ясыг авсан байна. Тухайн үед эмч нар энэ тохиолдлыг "Ургийг хамгаалж байдаг усыг зөөлөн эд нь шингээж авснаар яс ба багахан шингэн бүхий уутанцар л үлдсэн нь энэ байх" гэж тайлбарлаж байжээ.