Америкийн Орегон мужийн Уорм-Спрингс хотын иргэн 23 настай Сэйди Жонсон гэгч эмэгтэйг хотын дэргэдэх дархан газарт түймэр тавьсан хэргээр 2013 оны долдугаар сард баривчилж саяхан шийтгэжээ. Цагдаагийнхны мэдүүлснээр тэднийг машинтай явж байхад энэ эмэгтэй бут руу  шатаж байгаа галан оргилуур шидэж байсан гэнэ. Ингэснээр дархан газрын 20 га-гийн ой ургамал шатаж, гал унтраахын тулд гал сөнөөгчид 9 өдөр ажиллан нийт хохирол нь 7,9 сая доллар болжээ.
Үүний дараа Жонсон гал сөнөөх албанд ажилладаг найзуудынхаа Facebook-т “Миний түймэр та нарт ямар санагдав даа” гэж бичсэн нь түүнийг сэжиглэн баривчлах үндэс болжээ.
Түүнийг баривчилсны дараа “Миний найзууд гал сөнөөх газарт ажилладаг. Тэд хийх ажилгүй ажил дээрээ уйтгарлаад суудаг юм. Тэгэхээр нь би тэднийг ажилтай болгох гэсэн юм. Тийм жижигхэн гал ингэж их түймэр болох юм гэж мэдээгүй” гэж мэдүүлжээ.
Энэ сарын 3-ны өдөр Жонсонг шүүж таван жилийн ял өгсөнийг хөнгөрүүлэн 18 сар шоронд хорихоор шийтгэсэн байна. Үүний зэрэгцээ эмэгтэй хар тамхины хамааралтай тул шоронгоос гарсны нь дараа эмчилгээ хийлгэх, дархан газарт 200 цагийн олон нийтийн ажил хийлгэх болсон байна.