Америкийн Брадентон хотын хоёр эмэгтэй хоорондоо маргалдаж нэг нь цагдаа дуудсан байна. Цагдаагийн газраас түрүүч Рэнди Лэмб ирээд тэдэнтэй ярилцаж байтал 62 настай Пегги Хилл гэнэт цагдаа руу ойртож очин хамар дээр нь үнсээд авчээ.

Түрүүч Лэмб ингэнэ хэмээн огт санаагүй, санаандгүй байсан болохоор ихэд гайхаж. Түүний хамтрагч нь эмэгтэйг саатуулах гэтэл тэрээр бас эсэргүүцсэн байна. Үүнээс үүдэн Хилл хатагтайг цагдаагийн эрх чөлөөнд халдсан хэмээн баривчилжээ.

Хижээл эмэгтэй энэ үйлдлээ гурван хундага дарс уучихсан байснаас боллоо хэмээн тайлбарласан байна.