Америкийн Калифорни мужийн Уивервилль  хотын дунд сургуулийн нэгэн сурагч өдрийн хоолоо өөр нэгэнтэй хувааж идсэн нь сургуулийн дүрэм зөрчсөн гэж хэдэн хоногоор хичээлд суух эрхийг нь хассан байна.
Орон нутгийн хэвлэлийн мэдээллээр бол 13 настай сурагч Кайл Бредфорд өдрийн хоолны үеэр ангийнхаа нэг сурагчид идэж байсан хоолоо өгсөн юм байна. Жаал хүү үүнийгээ сайн үйлс гэж бодсон нь эндүүрэл байж. Тэрээр “Сургуулийн гуанзны бутерброд манай найзад таалагдаагүй, тэр юу ч идэхгүй байсан. Тэгэхээр нь би өөрийнхөө ногоотой ороомгийг өгсөн юм. Би өлсөөгүй байсан болохоор тэгэх нь зөв гэж бодсон” гэж ярьжээ.
Харин сургуулийн захиргаа үүнийг огт өөрөөр хүлээн авч түүнийг хэдэн хоногоор хичээлд суулгахгүй гэсэн шийдвэр гаргасан байна.
Сургуулийн захирал Том Барнетт үүнийгээ сурагчид нэг нэгэндээ харшил халдварлуулахаас сэргийлсэн арга хэмжээ гэж тайлбарлажээ. Харин “Манай сурагчдад сургуулийн гуанзны хоолны чанар таалагдахгүй бол бид тэр талаар арга хэмжээ авна. Харин эрүүл ахуйн үүднээс сурагчид хоолоо хувааж идэхийг зөвшөөрөхгүй” гэжээ.
Харин хүүгийн ээж Сэнди Бредфорд “Ямар ч байсан хүү минь сургуульд суралцах ёстой шүү дээ” гэсэн байна.