Итали бүсгүй Мария Люция Мунго өөрийнхөө машиныг  үсээр бүрхсэнээрээ дээд амжилтын Гиннесийн номд оржээ.  Тэрээр дан хүний, бүр өөрийнхөө үсийг оролцуулан машинаа дотор гадаргүй хүний үсээр бүрхэж эрвээхэйн хэлбэрт оруулсан байна.

150 цагийн хөдөлмөр заран байж жолоо, хяналтын самбар хаалга, дээвэр гээд бүгдийг нь үсээр бүрхэж гоёж чимэглэсэн энэ Fiat  машин одоо 96 мянган доллараар үнэлэгдэж байгаа гэнэ.
         
Тэрээр үүнийгээ “Бүх дэлхийн энхтайван, эрх чөлөөний төлөө” хийсэн ажил гэжээ.
Мария Люция Мунго зөвхөн энэ удаа ч Гиннесийн номд орж байгаа юм биш. Тэрээр 2010 онд хамгийн их үсэрхэг машин номинациар бас энэ номд орж байсан бол энэ амжилтаа давах гэж тэрээр энэ удаа 20 кг илүү үс цуглуулсан гэнэ.