Хятад эдийн засгаа эрчимжүүлж хязгаар нутгийн хөгжүүлэх том том төсөл хэрэгжүүлж байгаагийн нэг нь ӨМӨЗО-нд Ордос хот байгуулж, нэг сая хүнтэй байхаар төлөвлөсөн нь талаар өнгөрч байгаа гэнэ.

 Одоо энд ердөө 20 мянган хүн суурьшиж, барилга байгууламжийн нь 98 хувь хоосон байгаа юм байна.

Энэ хотыг хүн амынх нь дөнгөж 17 хувь нь монгол хүн байдаг Өвөр Монголд 2003 оноос эхлэн барихдаа монгол төрхөөр барихыг бодсон гэнэ. Нэр нь хүртэл монголын “ОРД” гэдэг үгнээс гаралтай.

2010 он гэхэд энэ хот 355 хавтгай дөрвөлжин км талбай бүхий хот босгосон нь ОХУ-ын нийслэл Москвагаас өрөв дахин бага талбай.

Харамсалтай нь хятадуудын төлөвлөсөн нэг сая хүний дөнгөж 2 хувь буюу 20 мянган хүн л энэ хотод амьдарч байна. Эдний олонхи нь чөлөөнд гарсан цэргийнхэн.

Хөрөнгө оруулагчид анх 2008-2009 онд эндхийн нэг орон сууцны хавтгай дөрвөлжин метр талбайг 10-11 мянган доллараар тогтоож байсан ч  өнөөдөр энэ нь бараг дөрөв дахин унаж ердөө 4-4,5 мянган доллар болоод байгаа гэнэ.

 Хэдий ийм ч Өвөр монголчуудын сарын дундаж орлого нь 400-500 доллар болохоор бас л худалдаж авах хүн олдохгүй.

Ийм хурдаар явбал энэ том хот 40-50 жилийн дараа л оршин суугчидтай болж амьдрал цэцэглэнэ гэсэн үг.

Уг нь энэ хотыг байгуулж байгаа Кангбаши нутаг нүүрс болон бусад ашигт малтмалын асар их нөөцтэй газар.

Уг нь энэ хотод орон сууцны том хороолол, албан байрны өндөр өндөр  барилга, худалдаа үйлчилгээний том төв, музей, театр, спортын байгууламж гээд юм юм л бий.