ОХУ-ын Новосибирскийн нэгэн их сургуулийн хуулийн ангийн оюутнууд хичээлийнхээ үеэр моргт цогцостой ажиллах үеэрээ шарил, цогоцсны өмнө селфи хийснээ сүлжээнд байрлуулж дуулиан тарьсан байна.
Тэд бүр задлан шинжилгээ хийж эд эрхтнийг нь ил гаргасан  цогцосны наана зогсч байгаад зургаа татаж “Бид үүнийг таван жил хүлээлээ. Арай гэж нэг юм биднийг моргт орууллаа шүү” гэсэн тайлбар бичжээ.

Новосибирскийн уншигчид оюутнуудын энэ шоглолыг ойлголгүй, зарим нь сонирхож байхад нөгөө хэсэг нь уурлан бухимдаж байна.