Хятадын нийслэл Бээжинд болсон АТЭС-ийн дээд хэмжээний уулзалтын үеэр БНХАУ-ын дарга Си Зинпинийг Барак Обаматай ярилцаж байх зуур ОХУ-ын ерөнхийлөгч Владимир Путин хятадын тэргүүн хатагтайд туслан дулаан нөмрөг нөмрүүлж байгаа нь интернетийн хэрэглэгчдийг шуугиулж байна.
CNN-ийн твиттер хуудсанд “Нөмрөгөөр дамжуулан хандарч байна. Путин БНХАУ-ын тэргүүн хатагтайг эргүүлэхиг оролдов” гэж бичжээ.
Хятадын тэргүүн хатагтай Путинд халамжилсны нь төлөө баярласнаа инээмсэглэлээр хариулсан бол, үүний дараа туслагчдын нь нэг дулаан хүрэм авчирч өгсөн байна.
Foreign Policy хэвлэл оросын ерөнхийлөгчийн энэ үйлдлийг “жинхэнэ эр хүн”-ий хийх ёстой ажил гэсэн бол зарим сэтгүүлч Путин хятадын ерөнхийлөгчийн эхнэрийг арай л цохьчихсонгүй гэсэн байна.

Харин International Business Times-д “Владимир Путин Хятадын этргүүн хатагтайд хандарлаа” гэсэн гарчигтай материал нийтэлжээ. Энд Путин европчуудын нүдэнд бол халамжтай хүн шиг харагдаж болох боловч хятадуудын хувьд бусдын эхнэрт өөр хүн ингэж хандах нь тийм ч таатай биш гэжээ.
Хятадын Guancha сайтад болохоор ийм байдал нь Оросын ерөнхийлөгчийн хувьд ерийн үзэгдэл гэж бичсэн байна.
Үнэхээр өнгөрсөн онд Их-20-ийн дээд хэмжээний уулзалтын үеэр Путин бас Ангела Меркелийг халамжилж байсан юм.