ОХУ-ын нийслэл Москва хотын төвийн нэг гудамжны  долоон өрөө байранд ажиллаж байсан эмсийн нууц хүрээлэнг хуулийнхан илрүүлжээ. Гэтэл тэнд нь бүгд нөхөртэй эмэгтэйчүүд биеэ үнэлдэг байсны дотор Москва хотын нэгэн дүүргийн өндөр албан тушаалтны эхнэр ч байсан гэнэ.
Цагдаагийнхныг очиход тэнд 10 эмэгтэй “жижүүрлэн” үүрэг гүйцэтгэж байсан нь бүгдээрээ паспорт дээрээ “нөхөртэй” гэсэн тэмдэглэгээтэй байсан нь энэ газар заавал нөхөртэй эмэгтэйг авдаг байснаас тэр гэнэ.
Бүсгүйчүүд хуулийнханд тэднийг долоо хоног бүр эмнэлгийн үзлэгт оруулдаг, “ээж” хэмээх  Маргарита Маслова гэгч үйл ажиллагааг нь хянаж зохицуулдаг гэж мэдүүлжээ.

Эндхийн гол зарчим нь үйлчлүүлэгч нь нөхөртэй бүсгүйчүүдтэй бэлгэвчгүй хавьтдаг, ийм ч болохоор цагийн 300 евро байдаг ч албан тушаалтнууд голдуу ирдэг, байнгын үйлчлүүлэгчид ч байдаг гэнэ.
Нэг бүсгүйн нөхөр нь эхнэрийнхээ энэ явдлыг мэддэг ч өөрөө ажил хийдэггүй эхнэрийнхээ орлогоор амь зуудаг байхад нөгөө нэгийнх нь нөхөр Москвагийн нэгэн дүүргийн захиргаанд өндөр алба хашдаг нэгэн байсан гэнэ.
Хуулийнхан эмэгтэйчүүдийг саатуулан хариуцлага хүлээлгэж, эзэн эмэгтэйг эрэн сурвалжилж эхэлжээ.