Төрсөн охин нь улсын шалгалтаа муу өгсний төлөө Сьюзан Вагнерийн дунд сургууль руу утасдаж дэлбэлнэ хэмээн сүрдүүлсэн Америкийн Нью-Йорк хотын иргэн 48 настай Карен Шэроныг цагдаагийнхан өнгөрсөн арванхоёрдугаар сарын 5-ны өдөр баривчилжээ.
Охин нь шалгалтаа арванхоёрдугаар сарын 3-нд амжилтгүй өгснийг мэдсэн хайртай ээж нь бухимдсандаа сургууль руу нь ингэж утастсан гэнэ.
Сургуулийн захиргаа ийм заналхийлэхийг сонсоод яаралтай арга хэмжээ авч цагдаагийнханд дуулгажээ. Харин эмэгтэй цагдаагийнханд огт өөр тайбар өгч сургуулийн захиргаа охиныг нь үйлдээгүй хэргийн нь төлөө буруутгаж, хэлмэгдүүлсэн гэж ярьсан байна.
Арванхоёрдугаар сарын 6-нд Шэрон шүүхийн анхны хэлэлцүүлэгт орж өөрийгөө буруугүй гэж зүтгэсэн гэнэ. Эмэгтэйн буруутайг шүүхэд юугаар нотолж байгаа, түүнд ямар ял оноох эсэх нь одоогоор тодорхойгүй байна.