Саксоны нэгэн зоогийн газрын эзэн  Сильвио Штельцер фашист германы удирдагч Адольф Гитлерийн элит архинуудыг хадгалдаг байсан газар доорхи нууц зоорийг оллоо гэж хэвлэлүүд мэдээллээ.
Штельцер немцийн хааны гэр бүлийн хуучин ордон Морицбург шилтгээнээс  холгүй орших нэгэн эзэмшлийг худалдан аваад засвар хийж байхдаа  Берлинээс 160 км газраас энэ зоорийг олжээ. Энд оргилуун дарс, коньяк элит дарснууд байжээ.
Уг нь Гитлер мах идддэггүй, согтууруулах ундаа хэрэглэдэггүй, тамхи татдаггүй гэж байсан болохоор энэ олдвор хачирхалтай юм. Гэхдээ фюрерийн үйлчлэгч байсан эмэгтэй нацистын удирдагчийг  амттанд дуртай байсан, тэр бүү хэл шөнөөр босч гал тогоонд ороод амттан иддэг байсан гэж ярьсан удаатай. Тэгээд ч агаарын довтолгооноос хамгаалахын тулд  фюрерийн туслахууд нь үнэтэй коньякуудыг ийш нь зөөж авяирж байсан тухай баримт бас зоориноос гарчээ.

Зарим нь болохоор Гитлер өөрийн ойрын хүрээллийнхэндээ зориулж архи дарс хадгалдаг байсан гэж ярьдаг.

Хэвлэлүүд болохоор  1944 онд фюрер энэ газрыг  эзэмшиж байсан хан хүү Эрнст Генрих Саксонскийтэй өөрийнхөө нөөц архи дарсыг бүтээгдхүүнээр солихоор хадгалж бай гэж тохиролцсон гэж бичиж байна.
Энэ зооринд архи дарснаас гадна хиам, бяслаг, кофе, шоколад, тамхий хадгалж байжээ.