Америкийн Аризон мужийн иргэн 27 настай эмэгтэй Чериш Петерсон дэлгүүрт гурван хүүхэдтэйгээ орж ирээд хүүхдийнхээ төрсөн өдөрт зориулан чихэр худалдаж аваад гарахдаа бага хүүхдээ дэлгүүрийн тэргэнцэр дээр мартаж орхижээ.
Черишийг 40 минутын дараа үүнийгээ санаад эргэж ирэхэд нь цагдаагийнхан хүүхдийг нь эргүүлэн өгөхдөө эхэд нь хүүхдээ аюулд орхисон тухай мэдэгдэл хамт гардуулсан байна.
Хэвлэлүүд энэ талаар мэдээлэхдлээ эмэгтэйг согтуу байсан юм уу, хар тамхи хэрэглэсэн байх гэсэн таамаг дэвшүүлсэн ч Чериш CBS5 телевизэд ярилцлага өгөх үеэрээ өөрийгөө хүүхэддээ маш их хайртай, энэ бол зүгээр л тохиолдол байлаа гэж тайлбарлажээ.