Энэ удаагийн “Фэйсбүүк” буландаа “Дижитал” хамтлагийн дуучин Эрка буюу Г.Эрдэнэбилэгийн бичсэн постыг онцлон хүргэж байна. 

“Оны өмнө нэг инээдтэй ч гэмээр эмгэнэлтэй ч гэмээр зүйлийн гэрч болсноо гэнэт саналаа. Баянгол дүүргийнхэнд үнэ төлбөргүй кино үзүүлнэ гээд урилга билет тараасан нь манай найзад ирж хамт үзэхүү гэхээр нь аавыгаа гэр бүлийнхнээ дагуулаад очсон юм.  Танхим дүүрэн хүмүүс цуглаад кино үзэх гээд хүлээж байлаа. Тэгтэл нэг хуурай дүү маань ахаа наад кино чинь гарахгүй болчихлоо.  
Намын удирдлагууд нь манай намын үзэл сурталд таарахгүй кино байна гээд гаргахыг нь хориглосон гэнэ. Тэгээд энэ олон хүн цуглуулчихаад одоо яах вэ гэсэн чинь... Харин тэгээд намайг дуудаад энэ хүмүүст шоу үзүүл гэсэн гэлээ. Миний хувьд тэр кино олон хоног кино театруудаар гарч маш олон хүн үзэж магтан сайшааж байснаас аль нэг нам болон хувь хүмүүсийг шүүмжилж чичилж гоочилж байсныг харж сонсч байгаагүй.  Тэр дээр суугаа хүмүүс ямар их айдастай байдаг бас олон нийтийг үл хүндэтгэж өөрийн жижигхэн ертөнцөөр бүгдийг сэтгэж тэр хэврэг орон зайгаа хамгаалж үлдэх гэж ухаан нь уландаа орчихсон байдгийг гайхаж байлаа. Монгол ухаан уужуухан байдагсандаа.