Лина Медина

Таван насандаа хүүхэд төрүүлж хүн төрөлхтний түүхэн дэх хамгийн залуу ээж гэгдэж байсан эмэгтэй Лина Медина Перуд 82 насандаа өөд болсон байна.
Түүнийг таван настай байхад нь эцэг эх нь “охины маань гэдэс томроод байх юм, яах вэ” хэмээн эмнэлэгт авчирсан байна. Эмч нар ч ямар нэгэн хавдар байх гэж таамаглаж байтал тэр нь долоон сартай жирэмсэн байх нь тэр.

Лина Мадина 1939 оны тавдугаар сарын 14-нд таван насандаа хүү төрүүлснийг хийсвэр хагалгаагаар гаргаж авчээ. Жаал хүү цоо эрүүл, бараг гурван кг жинтэй гарсныг залуу ээж боож авсан эх –эмч Жерардо Лозадын нэрээр Жерардо хэмээн нэрлэж.
Лина Мединагийн түүх нь анагаах ухааны түүхэнд таван настайдаа хүүхэд төрүүлснээс гадна, ямар замаар жирэмсэлсэн, хүүхдээ яаж эрүүл тээж чадсан гээд олон таамаг, гайхшрал, тайлагдашгүй нууц авчирсан юм.

                                 Залуу ээж хүүхдээ төрүүлсний дараа

Гэхдээ охины жирэмслэл бас яг насанд хүрсэн хүнийх шиг байсан гэж болно. Охин найман сартай байхдаа  сарын тэмдэг нь ирсэн бол, дөрвөн наснаас нь эхлэн хөх нь ургасан гэдэг.
Хүү Жерардо хэвийн өсч эрүүл саруул бойжоод харьцангуй эрт 40 насандаа өөд болжээ.

                        23 настай ээж Лина 18 настай хүү Жерардо

Лина Медина дараа нь нөхөрт гарч хүүхэд төрүүлэн ач, зээтэй болжээ. Харин Жерардогийн эцэг хэн байсныг Лина хэнд ч хэлэлгүй насыг барсан гэнэ.
Тухайн үед шинжээчид түүнийг тэр нутгийн омог аймгийн эрчүүдийн хүчирхийлэлд өртсөн юм уу, шашны ёс заншлын золиос болсон байх гэсэн таамаг дэвшүүлж байсан юм.

                                            Ээж хүү хоёр

Юутай ч Лина Медина гэдэг энэ эмэгтэй манай дэлхий дээрх хамгийн залуу ээж болсон, энэ хэвээрээ ч үлдэх байх л даа.