Орос-Монголын хооронд  иргэд визгүй зорчдог болсноос хойш Хиагтын боомт 24 цагаар ажиллах болж монголоос зорчигдын тоо нэмэгдэхийн хэрээр хилийн болон, гаалийн зөрчил нэмэгдэх боллоо гэж Буриадын гаалийн алба мэдээлснийг “Байкал Финанс” мэдээлжээ.
Гаалийн зөрчил гаргаж торгууль бичүүлэн Буриадын гаальд өртэй нийт 255 хүн байгаагийн 94 хувь болох 240 нь гадаадын иргэн, дөнгөж 15 орос хүн байна. Гадаадын нийт иргэдийн 80 хувь нь Монгол Улсын иргэд, 14 хувь нь Хятад, Казахстаны иргэн байна.
Захиргааны торгууль тавиулсан нийт өрийн хэмжээ 600 мянган рубль болж байгаа юм байна.
Зөрчил гаргасан иргэн торгуулиа 60 хоногийн дотор барагдуулж төлөхгүй бол хуулийн байгууллагын оролцоотойгоор хүчээр барагдуулдаг байна. Өртэй хүн ОХУ-д өмчгүй бол Буриадын гаалийн алба, шүүхийн байгууллагатай хамтран ажиллаж барагдуулдаг гэнэ.  
“Хоёр ч удаагийн ажиллагааны явцад өртэй долоон хүнийг шалгаж торгуулийн мөнгийг нь төлүүлсэн. Гадаадын хоёр иргэн өрөө барагдуулаагүй тул өмчийг нь хураасан. Харин торгуулийн мөнгөө төлсний нь дараа өмчийг нь буцааж өгсөн” гэж Буриадын гаалийн шийдвэр гүйцэтгэл, холбооны өмчийн хэлтьсийн дарга Надежда Шохонова ярьж байна.