Ардчилал, зах зээл, эдийн засгийн хямрал, ядуурал, өр зээл, уул уурхай, авлига.......Монголын улс төрд ийм үг ар араасаа хөвөрч, сайн үг сонсогдохоо болилоо. Харин улстөрчид ч улс орон хөгжиж байна, эдийн засаг тогтвортой байна гэсээр.
Үүнтэй хамт монголын улстөрд биет зүйл орж ирэн цуурайтсан нь оймс. Бүр хоёр шүү.

1.    Энхбаярын бараан оймс

2012 оны дөрөвдүгээр сарын 12-ноос 13-нд шилжих шөнө монголын цагдаа, АТГ гүйцэтгэх ажиллагаа явуулж Монгол Улсын ерөнхийлөгч асан Н.Энхбаярыг гэрээс ннь баривчилсан. Айлын хаалаг андууран цөм цохисон, Н.Энхбаярын гэр байсан хүмүүсийг диван сандалтай нь хөмөрсөн зэргийг эс тооцводл экс-ерөнхийлөгчийг оймстой хөлийг нь гозолзуулан, газар хүргэлгүй авч яван машинд чихэн авч явсан билээ.

2.    Л.Наранбаатарын шивэртэй оймс

2016 оны дөрөвдүгээр сарын 1-нд өндөрлөсөн Монголын эдийн засгийн форумыг хааж УИХ-ын дарга З.Энхболдыг зүг хэлж байхад нь Дархан-Уул аймгийн АН-ын дарга асан Л.Наранбаатар гэгч “Монголын ард түмнийг ядууруулж өрөнд оруулсан биз дээ. Эдийн засгийн алуурчин Энхболд огцор” гэж хашгираад өмсч байсан оймсоо тайлан парламентын спикер лүү шидсэн байна.

Юутай ч монголын улс төр оймсоор баяжлаа. Харин улстөрчдийн амлаад байгаачлан иргэд нь юугаар хэзээ баяжих нь бүү хэл, хэвийн амь зуухыг  өнөөдөртөө хэн ч тодорхой хэлээгүй, ард түмэн ч шилний цаанаас оймс харж, чихэр долоож л байна.