Хонгконгт энэ сарын 23-24-нд болсон Дэлхийн валют арилжааны дуудлага худалдаагаар “Монгол” долларын загвар болох нэг, гурав, тав, 25-тын  дөрвөн ширхэг цаасан дэвсгэрт 75 мянган ам.долларын үнэд хүрчжээ.
Загвар цаасан мөнгө гэдэг нь цаасан мөнгөний анхны хувилбар. Тиймдээ ч гүйлгээнд гарч байгаагүй учир нэн ховорт тооцогддог аж.

Дээрх  мөнгөний түүхийг сөхвөл, Ардын хувьсгалын анхны долоогийн нэг Солийн Данзан Монгол Улсын анхны  мөнгөн тэмдэгт болох “Монгол доллар”-ыг 1921 онд Сангийн сайд байхдаа гүйлгээнд гаргаж байжээ.  Энэхүү мөнгөн тэмдэгт хожмоо “Данзангийн доллар” хэмээн түүхэнд бичигдэн үлдсэн юм. Дээрх мөнгөн тэмдэгтүүд манай улсын эрдэнэсийн санд байхгүй бөгөөд дээрх дөрвөн ширхгээс гадна ахиад зургаан ширхэг байдаг байна. Гэхдээ тэдгээрийг хэн гэдэг, хаанахын цуглуулагч хадгалж байгаа талаар мэдэх боломжгүй аж.