Нью-Йоркийн амбан захирагчийн 400 мянган долларыг залилсан хэргээр  АНУ-д саатуулагдаад байгаа орос бүсгүй Светлана Захарова баривчлагдахынхаа өмнө өөрийн блогт байсан  бичлэгээ арилгаж амжаагүй байсан нь илчлэгдлээ. Энэ нь залуусын дунд хамгийн өргөн хүрээтэй дэлгэрсэн  сүлжээ юм байна.

Тэрээр энэ тэмдэглэлдээ Оросоос америкт очиж хэрхэн элитүүдэд үйлчилдэг биеэ үнэлэгч болсноо сайрхаад биччихсэн юмсанж.
Тэрээр эхлээд оросын Екатеринбургээс АНУ-д ажил хайж очоод бие үнэлэгч болсон юм байна. Тийм ч болохоор Нью-Йорк хотын амбан захирагч Элиот Спитцер түүний байнгын үйлчлүүлэгчдйин нэг болсон бололтой.

Захарова блогтоо бичсэнээр бол тэрээр баян үйлчлүүлэгчтэй нэг шөнийг өнгөрөөхдөө таван мянган доллар олдог гэнэ.
“Би Нью-Йоркт оросын Челябинскаас 19 настай байхдаа халаасандаа 300 доллартай ирж байлаа. Эхлээд зарын дагуу иллэг хийдэг газарт орсон, Уг нь надад ямар  ч туршлага байгаагүй ч цалин гайгүй болохоор орсон. Нэг залуу ирэхэд нь би хамтрагч бүсгүйтэйгээ хамт хөл, нурууг нь илж байсан. Хагас цагийн дараа хамтрагч бүсгүй маань тайчиж эхэлсэн, Тэгээд надад 100 доллар өгнө гэхээр нь би ч гэсэн тайчиж эхэлсэн” гэж тэрээр бичжээ.

Бүсгүй цааш нь нэг сар өнгөрөхөд л би манай гаригийн хамгийн эртний мэргэжил биеэ үнэлэхийг сурчихсан, ерийнхөөс 10 дахин илүү мөнгө олдог болчихсон байлаа гэжээ.

Энэ ажил нь ч түүнд таалагдаж, өөрийгөө “Сайхан бүсгүй” киноны гол дүр шиг боддог болсон гэнэ. “Гуравдугаар сард би 24 нас хүрнэ, хөрөнгө маань 200 хүрнэ. Эрчүүд надад Лондонгоос цай, Швейцариас шоколад, Францаас дотуур хувцас, Италиас гутал авчирч өгдөг юм” гэжээ
Харин түүнийг амбан захирагч өөрийг нь хүчиндсэн хэмээн зарга мэдүүлж мөнгө нэхэмжилснийх нь төлөө Нью-Йорк хотын шүүх буруутган баривчлаад байгаа юм.