Кувейтын нэгэн эмэгтэй гэртээ ирээд ярьдаг тэжээвэр тоть нь хэт илэн далангүй тачаангуй үгс ярьж байхыг сонсчээ. Нөхөр нь өөртэй нь хэзээ ч ингэж харьцдаггүй болохоор тэр гэрийн үйлчлэгч эмэгтэйтэй нийлж өөрийг нь араар нь тавин мэхэлж байна гэж үзээд хуулийнханд мэдэгдсэн байна.

Лалын шашинт Кувейтэд эхнэр, нөхрөө мэхлэх нь эрүүгийн гэмт хэрэг болдог учраас хууль сахиулагчид хэргийг шалгахаас аргагүй болж. Харин шувууг шүүхэд гэмт хэргийн гэрч болгож, түүний үгээр хэргийг шийдвэрлэх боломжгүй болохоор эмэгтэйн нөхөр нэг удаа хэргээс  мултарч, шоронд суух аюулаас аврагджээ.