А.АКЭРКЭ

“Бат Зүү” ХХК-ийнхан 14 метр өндөртэй, 18 метрийн өргөнтэй, зургаан давхар барилгатай дүйцэхүйц дэлхийд байхгүй том, хаан хээтэй хүннү загварын дээл урлажээ. Энэ талаар тус компанийн зөвлөх Ж.Оюунчимэгтэй холбогдож дараахь тодруулгыг авлаа.

-Танай хамт олон их сайхан дээл урлажээ. Ийм том дээл урласан нь цаанаа учир шалтгаантай болов уу?
-Манай компанийн 20 жилийн ой энэ онд тохиож байгаа юм. Дээрээс нь улс тунхагласны 92 жилийн ой удахгүй тохионо. Тиймээс энэ олон жил оёдлын салбарт ажилласныхаа хувьд дэлхий нийтэд улс орноо таниулахад үнэтэй хувь нэмэр оруулъя гэж шийдэцгээсэн. Тэгээд том бүтээл хийхээр болж, дээл урлахаар болсон хэрэг.  Дээлээ хоёр сарын хугацаанд оёсон.
Хагас сая метр даавуу орсон Үзэж, харсан хүн бүр Монголын гайхамшиг гэж энэ л байна гэж дуу алдах болов уу.

-Хэчнээн хүн хамтарч урлав?
-50 гаруй хүн оролцсон. “Бат Зүү” компанийн оёдолчид энэ ажлын 80 гаруй хувийг нугалсан. Орхон, Говьсүмбэр, Дархан-Уул, Дундговь аймгаас ирсэн мастер оёдолчид энэ ажилд тусалсан.

-Дээлээ Гиннест бүртгүүлэх бодол бий юу?
-Бүртгүүлэлгүй яахав. Бичиг баримтаа хөөцөлдөөд явж байна. Зургийг нь деталчилж аваад дуусч байна.
Ямар ч гэсэн оёж дууссан болохоор одоо холбогдох газарт нь хандана.