Хятадын баруун нутгийн Шинжаан Уйгурын тэтгэврийн өвгөн Ян Чаншэн ганцаараа 150 чоно өсгөн үржүүлсэн байна. “Жунго синьвэньван” хэвлэлийн мэдээлснээр бол түүнд 2007 онд нэг найз нь чоно бэлэглэснээс хойш ийм хобобитой болсон гэнэ. Тэрээр соноо өсгөх, үржүүлэх таатай орчин бүрдүүлж өсгөснөөр өөрөө ч тэднээсээ айхаа больсон бол чононууд нь ч түүнтэй ижилсч дасчээ.
Мэргэжилтнүүдийн үзэж байгаагаар Өвөр Монголын нутагт ойролцоогоор хоёр мянган чоно байдаг бол шинжаан уйгурын нутагт ховордож байгаа гэнэ. Ийм үед Ян Чаншэн байгаль орчны тэнцвэрт байдлыг хадгалахад үнэтэй хувь нэмэр оруулж байгаа юм байна. Хятадад чоно 300 орчим мянган жилийн тэртээгээс нутагшиж байгаа ч сүүлийн жилүүдэд дотоод эрхтнийг нь ардын уламжлалт эмнэлэгт ашигладаг болсноор тоо толгой нь цөөрч, зарим нутагт бүр байхгүй болсон гэнэ.