Индонезийн өндөр настан Сапарман Содимеджио өнгөрөгч арванхоёрдугаар сарын 31-нд өөрийнхөө мэндэлсний 146 насны ойг  гэр бүлийнхэнтэйгээ хамт тэмдэглэлээ гэж Daily Mail хэвлэл мэдээлжээ.
Түүний баримт бичигт Содимеджио 1870 онд төрсөн гэж тэмдэглэсэн байдаг байна. Төрөл төрөгсөд, үр хүүхэд нь түүнийг өвдөж шаналдаггүй, яг л урьдынхаараа чийрэг байдаг гэж хэвлэлийнхэнд ярьсан байна.

Тэрээр амьдралынхаа туршид дөрвөн эхнэр авч, өөрийн ах эгч 10 хүнийг хөдөөлүүлсэн гэнэ. Тэр бүү хэл төрсөн хүүхдүүдээс нь ч өнөөдөр амьд сэрүүн хүн үгүй, ач, зээ, гуч, жич нартайгаа л амьдардаг байна.