Шинэ Зеландын иргэн зургаан настай охинтойгоо хамт эвдэрсэн завин дээр Тасманы тэнгист нэг сар гаруй амьдарсан ч амьд иргэн ирсэн тухай Ройтер агентлаг мэдээлсэн байна.

Алан-Лэнгдон гэгч эр бяцхан охинтойгоо хамт Кохигоос Бей-оф-Айлендсын булангаар дамжин Шинэ Зеланд орохоор завиар гарсан ч хүчтэй давалгаанаас болоод удирдлагаа алдаж, задгай далайд гарчихаж.

“Бидэнд жолоогоо орлуулах ямар ч арга байгаагүй, ганцхан тэнгэр цэлмэхийг л хүлээсэн ч аз тохиосонгүй. Салхи өмнө зүгт авч одсон” гэж Лэнгдон ярьсан байна. Ингээд тэрээр зургаан метр завьтайгаа Тасманы тэнгисийг гатлан Австрали руу хөвбөл аюулгүй гэж бодон асар урт зам туулж Сиднейгээс 230 км-т байдаг боомтод хүрч чаджээ.
Тэднийг эрэн хайх ажил бараг нэг сар үргэлжилсэн юм байна.