Өнгөрсөн дөрөвдүгээр сарын нэгэн, Инээдмийн өдрөөр Гүржийн нийслэл Тбилисийн амьтны хүрээлэнгийн захиргаа аварга том тэмээний толгойн яс оллоо хэмээн хэвлэлийн бага хурал хийжээ.  “Амьтны шинэ хүрээлэн барихаар газар ухаж байтал Тбилисийн усан сангийн тэндээс тэртээ цагт аялагч Марко Пологийн бичсэн шиг гурван бөхтэй тэмээнийх гэмээр асар том толгойн яс оллоо. Үүнээс үзэхэд Ази Европыг холбосон Торгоны зам нь гүржийн нутгаар дайрч өнгөрч байсан бололтой” гэж гүржийн нийслэлийн амьтны хүрээлэнгийн захиргааны албан ёсны Facebook хуудсанд бичсэн байна. 

Гүржүүдийн тоглоом үүгээр дууссангүй, энэ бүхнээ улам итгэлтэй болгохоор тэд Монгол Улсын ШУА-ийн амьтан судлалын  хүрээлэнгийн захирал Б.Лхагвасүрэнтэй утсаар ярин энэ аварга том тэмээний яс нь асар хүнд ачаа болох учраас  танай мэргэжилтнүүд өөрсдөө ирж Ancient DNA Analysis шинжилгээ дээж авах хэрэгтэй гэсэн гэнэ. Тэд “Энэ олдвор нь аугаа их ард түмнүүдийн нүүдэл, шилжин суурьшилтын тухай бидний ойлголтыг өөрчилж мэдэх учраас шинжилгээний хариуг тэсэн ядан хүлээж байна” гэж хэлжээ.

Тус амьтны хүрээлэнгийнхэн өнгөрсөн жилийн дөрөвдүгээр сарын нэгэнд бас сэлэм шиг том шүдтэй, ганц эвэртэй барын бамбар мэндэллээ гэж тоглоом шоглоом болж байсан юм.