Италийн Лигурии дэх уулархаг районы жижигхэн Бормида тосгоны дарга өөрийн нь тосгонд ирж суурьшин байнга амьдрах хүнд 2000 еврогийн  тэтгэлэг амлаж байгаа гэнэ. Үүнээс гадна долоо хоногт хамгийн хямд буюу 12,5 еврогоор сууц хөлслөн суух боломж ч олгох юм байна.

Италийн баруун хойд нутгийн Савон мужийн ууланд орших Бормида тосгон нь Генуя хотоос 80 км зайд байдаг юм байна. Өндөр ууланд тэртээ дундад зууны үед байгуулагдсан  энэ тосгон далайгаас бас нэг их холгүй болохоор агаар нь тун сайхан.
Энд ажлын байр тун ховор болохоор нутгийн иргэд ажил хайж явсаар энд өнөөдөр ердөө 394 хүнил үлдсэн учраас тосгоны захирагч нь ийн мөнгө амлан оршин суугч хайж байгаа нь энэ гэнэ. Тосгоноо хий үзэгдлийн болгож орхигдуулчихгүйн тулд тосгоны захирагч Дэниэль Гальяно Facebook хуудсаараа ийн зар түгээжээ.

Хүн ам нь цөөрсөн ч гэсэн энэ тосгон дөрвөн зоогийн газар, номын сан, шуудан, дэлгүүр, гэр бүлийн зочид буудал, эмийн сан, долоо хоногт гурван удаа энд ирдэг эмч гээд юм юмтай гэнэ.
Харамсалтай нь ажил л олдохгүй дээ...