Иракын сэтгүүлч Аммер Алваелийг Мосулд ажиллаж дүрс бичлэг хийж байтал нь мэргэн буудагчийн сум хүзүүндээ бэхэлсэн камерыг нь оноод сэтгүүлч азаар амьд үлджээ. Суманд оногдсон камерынх нь хэлтэрхий л нүүрийг нь жаахан зүссэнийг эс тооцвол тэр ямар ч гэмтэл бэртэл аваагүй байна.

“Юу болоод өнгөрснийг би эхлээд ойлгоогүй. Би газар унаад л Аммерийг зүгээр байна уу, үгүй гэж харахыг бодсон” гэж энэ үеэр дэргэд нь бичлэг хийж байсан The Sun-гийн сэтгүүлч Оуэн Холдевей ярьжээ.

“Энэ бол ёстой азтай хүн” гэж Мосул мужийн амбан захирагч генерал Аль-Самми сэтгүүлчид хэлсэн байна.