Жил бүрийн 11 дүгээр сарын 25-наас 12 дугаар сарын 10-ны өдрүүдэд дэлхийн 180 гаруй улс нэгдмэл зорилго, нэг уриан дор “Жендерт суурилсан хүчирхийлэлтэй тэмцэх 16 хоногийн аян”-г тэмдэглэн өнгөрүүлдэг билээ.
Өнөө жил ”Ойлгоё хүндэлье-Гэр бүлийнхээ төлөө” уриан дор тэмдэглэж буй хүчирхийллийг таслан зогсоох, түүнээс урьдчилан сэргийлэх тус аянд ИНЕГ түүний харьяа алба, салбарууд нэгдэн тус аяны санал санаачлагыг дэмжин оролцож байна.
Энэхүү аяны зорилго нь хөвгүүд эрчүүдийн оролцоог хангах замаар охид эмэгтэйчүүдийн эсрэг үйлдэгдэж буй аливаа хүчирхийллийн эсрэг хөдөлгөөнд нэгдэж, “хэзээ ч хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй” хэмээн илэрхийлдэг байна. Манай улсад анх удаа 1998 оноос эхлэн ТББ-ын санаачлагаар зохион байгуулагдаж эхэлсэн бөгөөд Жендерийн үндэсний хороо 2017 оноос аливаа хүчирхийлэл, ялгаварлан гадуурхалт, түүнээс урьдчилан сэргийлэх зорилтын хүрээнд төрийн, төрийн бус, олон улсын байгууллагуудыг хамруулан тэмдэглэн өнгөрүүлж байгаа юм.
