БОАЖЯ-наас “Уур амьсгалын 7 хоногийг”, “Уур амьсгал өөрчлөгдөж байна, Харин бид?” уриатай 05 дугаар сарын 17-21-ний өдрүүдэд зохион байгуулж байна.
Үндэсний хэмжээнд анх удаа зохион байгуулж байгаа тус арга хэмжээнд өөрсдийн санал, үлгэр жишээ үйл хэрэг, үр өгөөжтэй мэдлэг, сайн туршлагуудаасаа хуваалцан, олон нийтэд таниулан сурталчилж идэвхтэй оролцоорой.
Учир нь Дэлхийн нийтээр байгалийн гамшигт үзэгдэл олширч, эрчимжиж байгаа нь уур амьсгалын өөрчлөлтийн нөлөө бөгөөд нэн эмзэг манай орны хувьд сүүлийн 80 гаруй жилийн хугацаанд агаарын дундаж температур 2.25 хэмээр буюу дэлхийн дунджаас даруй 2 дахин нэмэгдэв. Уур амьсгалын өөрчлөлтийг сааруулах олон улсын хүчин чармайлтад Монгол Улс ч мөн нэгдэж, олон талын оролцоо, хамтын ажиллагааг идэвхжүүлж, хэрэгжүүлэх зорилготой ажиллаж байна.
