Монголын үүрэн телефоны анхдагч оператор Мобикомын сугалааны үйл явц шууд луйварын шинж чанартай болсон гэдэг нь бичлэгээр баталгаажсан тухай онлайнаар шуугиж эхэллээ. Хэрэв энэ үнэхээр үнэн бол сая гаруй хэрэглэгчидтэй уг компани монголчуудын дунд нэр хүндээ алдах нь дамжиггүй. Гэхдээ тухайн компани нэр хүндээ алдах нь ч яахав харин хамгийн гол нь үнэхээр луйврын шинж чанартай нь үнэн бол өөрсдийнхөө өрсөлдөх чадварыг нэмэхийн тулд монголчуудын тал орчим хүнийг луйвардаж мөнгө завшсан гэх үндэслэлтэй болж байна. Түүнээс гадна сая гаруй хэрэглэгчтэй гэж сурталчилдаг тус компанийн энэ сугалаанд өдөрт нэг хэрэглэгч нь дунджаар мянган төгрөг зарцууллаа гэхэд тус компани монголчуудаас долоо хоногтоо л байр машин амлаж долоон тэрбум гаруйг халаасалж байна гэсэн үг. Үүнийг харилцаа холбооны зохицуулах газар, Шударга өрөлдөөн, хэрэглэгчийн төлөөх газрууд зүгээр хараад суухгүй нь мэдээж. Шуудхан хэлэхэд Харилцаа холбооны зохицуулах газар Мобикомыг шүүхэд өгөх үүрэгтэй ч гэж онлайнаар ярилцаж байна. Чухамдаа нэг хүнийг луйвардсан хэрэг бус бүхэл бүтэн улсын сая хүнийг луйвардсан гэдгээрээ яах аргагүй хариуцлага тооцох хэрэг мөн гэдэгтэй та санал нийлэх байх. Эцэст нь энэ талаар холбогдох газрууд анхааралдаа авч монголчуудыгаа өмгөөлөн яаралтай арга хэмжээ авч шалгах нь зайлшгүй шаардлагатай гэдгийг сануулах нь илүүц биз ээ.
Энэ тухай манай сайтын холбоотой видеоноос үзээрэй.