“Талх Чихэр” ХК жил бүрийн оны эхэнд “АТАР” хэвийн боовны нэрэмжит аймаг, цэргийн цолтой болон залуу хүчит 256 бөхийн барилдааныг зохион байгуулдаг уламжлалтай. Энэ жил тэд өөрсдийн уламжлалаар оны анхны барилдааныг Монголын үндэсний бөхийн холбоотой хамтран зохион байгуулах гэж байна. 17 дахь жилдээ зохион байгуулагдаж байгаа уг барилдаан хэдийгээр 2 жилийн хугацаанд завсарласан ч энэ жилийн хувьд аймаг, цэргийн цолтой залуу бөхчүүдийн хувьд хүсэн хүлээсэн барилдааны нэг болоод байна. Учир нь уг барилдаанд түрүүлсэн бөх улсын цол авсан түүх олон байдаг учраас аймаг, цэргийн цолтой залуу бөхчүүд бэлгэшээж, оны анхны барилдаанд өөрсдийн уран мэхийг уралдуулан амжилттай барилдахыг эрмэлздэг. “Талх Чихэр” ХК-ийн “АТАР” хэвийн боовны нэрэмжит аймаг, цэргийн цолтой болон залуу хүчит 256 бөхийн барилдаан маргааш буюу 1 сарын 9-нд 12:00 цагт Монгол бөхийн өргөөнд эхлэх бөгөөд TV9 телевиз оны анхны барилдааныг шууд дамжуулан хүргэх болно.
