Аялал жуулчлалын хөгжлийн төвөөс Монголын аялал жуулчлалын салбарын мэргэжлийн холбоодын удирдлагуудыг хүлээн авч уулзаж байна.

Уулзалтын эхэнд Аялал жуулчлалын хөгжлийн төвийн захирал С.Бат-Эрдэнэ энэ онд мэргэжлийн холбоодтой:

Олон талт хамтын ажиллагаа,

Аялал жуулчлалын салбарын хүний нөөц,

Нийгэмд чиглэсэн арга хэмжээ

дараах гурван чиглэлд хамтарч ажиллах чигтэй байгаагаа танилцуулж, оролцогч тус бүрийн саналыг авав. Мөн тус төвийн зүгээс мэргэжлийн холбоодыг дотоодын нөөц бололцоогоор хэрхэн дэмжиж ажиллах боломж байгааг дуулгасан юм.

Өөрөөр хэлбэл, уг уулзалтыг Аялал жуулчлалын хөгжлийн төв, Монгол Улсын аялал жуулчлалын салбарын зочлох үйлчилгээний мэргэжлийн холбоод хоорондын харилцаа холбоог бэхжүүлэх, зочлох үйлчилгээний салбарынханд тулгамдаад буй цар тахлын нөхцөл байдлыг даван туулахад дэмжлэг үзүүлэх, хамтран ажиллахад чиглэгдэж буй.

Уулзалтад нийт 17 мэргэжлийн холбооны удирдлага оролцож байна.