"Илүү их уншъя" уриан дор уншигч, зохиолчдыг уулзуулж, номонд хайртай хэн бүхнийг нэгтгэдэг "Номын баяр"-ын бэлтгэл ажлын талаар зохион байгуулагчидтай ярилцлаа.

Монголын болон дэлхийн сонгодог бүтээлүүд, нэн шинэ номуудын дээжис дэлгэгдэхээс гадна соёл урлаг, танин мэдэхүй хосолсон олон талт арга хэмжээг энэ сарын 20-22-ны өдрүүдэд Сүхбаатарын талбайд зохион байгуулах юм.

Номын асраар гэр бүлээрээ зочилж, найз нөхдийнхөө хамт дуртай зохиолоо тухлан унших таатай орчинг бүрдүүлэхээс гадна, бүх нийтээрээ илүү их уншихад уриалсан, бяцхан хүүхдүүдийнхээ танин мэдэхүйн ертөнцийг тэлсэн оюунлаг өдрүүд байх болно.

#НОМЫН_БАЯР болоход 3 хоног үлдлээ!