Билгийн

Доллар (USD)

Улаанбаатар

Тэтгэлэгтэй сургалтад суулган ажлын байранд зуучлах төслийн бүртгэл өнөөдөр дуусна

Оюутны цагийн хөдөлмөр эрхлэх журам” батлагдлаа - News cafe

Залуусыг хөдөлмөрт бэлтгэх оролцоо төслийн бүртгэл өнөөдөр /2022-5-26/ дуусах юм байна. Тус төсөл нь 18-34 насны ажил, хөдөлмөр эрхлээгүй иргэдийг сургалтад хамруулан тогтвортой ажлын байранд зуучлуулах зорилготой юм. 

Төслийн хүрээнд өнгөрсөн жил 2389 залуусыг хөдөлмөрт бэлтгэх сургалтад хамруулан бөгөөд  806 залуу тогтвортой ажилтай болжээ. Мөн 1700 гаруй залуусыг сургалтын дараа 15 хоног үйлдвэрийн дадлагад хамруулаад байна. Энэхүү сургалтыг 14 хоног вакумжуулсан хэлбэрээр зохион байгуулдаг. Хичээлийн агуулгын хувьд хөдөлмөрийн үнэ цэнэ, харилцааны ур чадвар, анкет бөглөх зэрэг хамаардаг. Үүнээс гадна өв соёл, эрүүл мэнд, батлан хамгаалахын чиглэлээр хичээлүүд ордог. Энэхүү тэтгэлгийн онцлог нь хоёр долоо хоногийн сургалтын дараа хичээлд бүрэн хамрагдсан хүмүүст 500 мянган төгрөг бэлнээр олгодог. Үүний дараа үйлдвэрлэлийн дадлагыг хийвэл мөн 500 мянган төгрөг өгдөг.

Тэтгэлэгтэй төсөлд хамрагдахын тулд хэд хэдэн шаардлага тавьдаг. Үүнд:

  • Ажил хөдөлмөр эрхлэх хүсэлтэй 18-34 насны иргэн байх
  • Сүүлийн гурван сар ажил хийгээгүй, нийгмийн даатгалын шимтгэл төлөөгүй
  • Сургалтад хамрагдах үед их, дээд сургууль, МСҮТ-д хамрагдаагүй байх ёстой.

Засгийн газрын 58 дугаар тогтоолоор энэ төсөл 2024 он хүртэл хэрэгжинэ. "Залуучуудыг хөдөлмөрт бэлтгэх оролцоо" төсөл зөвхөн иргэдэд дэмжлэг үзүүлэх бус, ажил олгогчдыг мөн харгалздаг. Тухайлбал, тогтвортой ажлын байраар хангаж, 12 сараас дээш төсөлд хамрагдсан иргэнийг ажлуулсан тохиолдолд тухайн компанийн нийгмийн даатгалын шимтгэл төлөлтийг хөнгөлдөг. Гэхдээ хөдөлмөрийн хөлсний доод хэмжээгээр буцаан олгодог. Бүртгүүлэх иргэд E-mongolia системд хандах эсвэл нэг цэгийн үйлчилгээний төвд очиж биечлэн бүртгүүлэх боломжтой.

0 Сэтгэгдэл
Хамгийн их уншсан